Monday, April 3, 2017

मूल्य कति ?

जीवनको मोल कति हुन्छ ?
उसले प्रश्न गर्यो 
ऊ तिर हेरेर मुसुक्क हासें 
भनें "तिमि अमुल्य छौ " 
उ चुप लाग्यो 
म भने उसको प्रश्नको उत्तर खोज्न थालें । 

हाइ स्कुलमा पढेकी थिएँ 
अ सिक्स मिलियन डलर म्यान
मानिसको शरीरको रसायनको मूल्य 
के मानिसको मूल्य त्यति नै हो त ?
रसायन मात्र त मानिस हैन नि 
मैले मानिसको व्याख्या गर्न जाँनिन 
आखिर के हो मानिस 
अनि उसको मुल्य कति हो?

टाउको रन्थनियो 
केहि पनि सोच्न सकिन 
दिमाग घुमिरहेको थियो 
टिभीले बोल्यो
सरकारले सहिद परिवारलाई दसलाख क्षतिपूर्ति दियो 
म मानिसको मूल्य सुनेर दंग परें ।

Wednesday, February 15, 2017

प्यारो दार्शनिक..

प्यारो दार्शनिक 
म तिम्रो दर्शनलाइ
कबिता बनाउॅछु है !
जब जब तिमी
गर्हौ गर्हौ शब्द मिश्रित
जीवनका गहन
सिदान्तको कुरा गर्छौ
तिमी साँच्चै सुन्दर देखिन्छौ
प्रेमिल कबिता झैं सुन्दर
लठ्ठ पर्छु तिम्रो मादकतामा
त्यसैले त प्यारो दार्शनिक
म तिम्रो सिदान्त र दर्शन
सापटी लिन्छु है ।।
जब तिमी
हाम्रो सम्बन्धको
परिभाषा दिन्छौ नि
दड़्ग पर्छु म
त्यसैले त
तिम्रो शब्दहरू
सापट लिएँ है
तिम्रै शब्दमा
"माया भ्रम हो
तिमी त मेरी यथार्थता हौ।।
तिमीसॅग जीवन बिताउने
योजना बून्दै छू म
मायारूपी भ्रममा नफंसी
तिमीलाइ
सहयात्री बनाउन चहान्छू
मेरो जीवनरूपी यात्राको
ए मेरी प्रेमिका
मेरी प्राणप्यारी
म तिमीलाई प्रेम गर्छू !
"आइ लव यु"
भनिॅन भनेर नरिसाउ है
किनकी म तिम्रो साथको
यो सत्यतालाइ
मायारुपी भ्रममा फॅस्न दिन्न
तिमी यथार्थ हौ
मेरो जीवनको
एउटा मीठो यथार्थ "
हो प्रिय
जब जब तिमी
यस्तै गहन कूरा गर्छौ नि
तिमी साच्चिकै सुन्दर देखिन्छौ
प्रेमिल कबिता झैं सुन्दर ।।

Saturday, February 4, 2017

खोजी


घडी,जसले धेरैलाइ समय बेचेको छ
यहि घडीसंग किन्नेछु  समय , 
बनाउनलाइ आफ्नो भबिस्य
आगो,जसले धेरैको समय लिएको छ
यहि आगो संग मिल्नेछु कुनै बेला 
पुर्याउन प्रकृति को नियम






हो यहि घडी र आगो बीचको बर्तमान, म 
खोज्दै छु मेरो भबिस्य ,
जलेर खरानी भएको यो माटोमा





A picture is worth a thousand words
फोटो आँफैमा साहित्य हो ,
मेरो शब्दले दृश्यलाइ न्याय गर्ला कि नगर्ला थाहा छैन
तर जुन भाव मेरो मनमा यो दृश्य देखेपछि आयो 
त्यसलाई शब्दमा उतारेकी हुँ